- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Лёзна. Увага – галоўны клопат!
Рэспубліканская акцыя «Моладзь за бяспеку! » у самым разгары. Работнікі МНС разам з актывістамі маладзёжнай арганізацыі ратавальнікаў-пажарных наведалі людзей «залатога ўзросту». Па ўзгадненні з тэрытарыяльным цэнтрам сацыяльнага абслугоўвання насельніцтва была наведана сямейная пара, якая пражывае на ўскраіне гарадскога пасёлка Лёзна, а таксама адзінокая жыхарка аграгарадка Адаменкі.
Так, юныя памочнікі ратавальнікаў убіралі ўраджай, падправілі агароджу, якая пакасілася, замянілі батарэйку ў аўтаномным пажарным апавяшчальніку. Аднак самае галоўнае для пажылых людзей – гэта ўвага!
Тамара Паўлаўна прайшла нялёгкі працоўны шлях, яшчэ летась трымала гаспадарку, а сёлета скараціла прысядзібны ўчастак. Людзі гэтага ўзросту задаволены жыццём, таму што ім ёсць з чым параўнаць!
– Дзякуй, што прыйшлі! Мяне не забываюць: то батарэйку новую прывязуць у апавяшчальнік, то проста патэлефануюць, спытаюць пра здароўе, – кажа пенсіянерка рабятам.
Завяршэннем сустрэчы юныя памочнікі размясцілі налепку на дзвярах дома пажылых людзей з лагатыпам акцыі «Моладзь за бяспеку! »