МЧС Беларуси
МЧС Беларуси
Учреждение Витебское областное управление МЧС Республики Беларусь
- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Велапрабег па Гарадокшчыне для юных ратавальнікаў
Удзельнікі маладзёжнага руху ратавальнікаў-пажарных адправіліся ў займальную экскурсію па родным горадзе Гарадку, наведалі памятныя мясціны часоў Вялікай Айчыннай вайны і ўшанавалі памяць воінаў-вызваліцеляў.
Мець актыўную жыццёвую пазіцыю гэта ўжо залог для ўсебаковага развіцця падрастаючага пакалення, таму члены Беларускай маладзёжнай арганізацыі ратавальнікаў-пажарных у Гарадоцкім раёне з вялікім энтузіязмам удзельнічаюць у розных мерапрыемствах аб'яднання.
А рэспубліканская акцыя «Моладзь за бяспеку», дае магчымасць актывістам больш даведацца не толькі аб прафесіі ратавальніка, але і аб гісторыі роднага краю. Таму велапрабег з экскурсіяй гэта найлепшы фармат для краязнаўчых пошукаў.
Так, ў горадзе Гарадку адбылася велаэкскурсія з раскрыццём мноства цікавых фактаў пра Гарадокшчыну. Падчас мерапрыемства ўдзельнікі ўсклалі кветкі да магілы невядомага салдата на мемарыяльным комплексе «Несмяротнасць» і ўшанавалі памяць воінаў-вызваліцеляў хвілінай маўчання.
Але на гэтым збор на свежым паветры не завяршыўся, хлопцаў і дзяўчын чакаў сюрпрыз у выглядзе гутаркі ля вогнішча. Цікава, што развядзенне вогнішча прайшло ў выглядзе майстар-класа па стварэнню бяспечнага вогнішча ад ратавальнікаў МНС.
Карысныя будні членаў грамадскага аб'яднання ратавальнікаў-пажарных адназначна дапамагаюць не толькі фарміраваць устойлівыя навыкі па бяспецы жыццядзейнасці, але і фарміруюць любоў да малой Радзімы.
Будь готов
Другие новости
