Чашнікі. Андрэй Балтрук з візітам на Чашніншчыне

Чашніцкі раён наведаў намеснік начальніка Віцебскага ўпраўлення МНС Андрэй Мікалаевіч Балтрук. Адбылася сустрэча з работнікамі вытворчага участка "Чашнікігаз", мэта якой нагадаць людзям аб неабходнасці выканання правілаў бяспекі на працоўным месцы і ў побыце.

– Вогненныя надзвычайныя сітуацыі адбываюцца штодня, а часам і з трагічным канцом, аднак некаторыя грамадзяне ўсё роўна ставяцца да гэтага як да сухой статыстыкі, лічачы, што іх гэта не закране,– прадстаўнік службы выратавання зачытаў аўдыторыі лічбы надзвычайных сітуацый і гібелі ад іх за бягучы перыяд і мінулы год.
З пачатку года большасць пажараў зарэгістравана па прычыны парушэння правіл эксплуатацыі і мантажу электраабсталявання. Андрэй Мікалаевіч нагадаў прысутным аб неабходнасці эксплуатацыі электраабсталявання згодна з інструкцыяй да яго.
– Не варта забываць аб тэрміне службы электрапрыбора. Па заканчэнні адведзеннага часу, прыбор становіцца патэнцыйнай крыніцай узгарання, – перасцярог кіраўнік.
Як вядома, у сне чалавек не адчувае пахаў. Хто папярэдзіць аб пачынаючымся пажары і своечасова разбудзіць спячага чалавека? Аб тым, што аўтаномны пажарны апавяшчальнік патрэбен зараз у кожным жылым памяшканні –аўдыторыя чула не раз. З пачатку года гэты нескладаны прыбор выратаваў 7 чалавечых жыццяў толькі на тэрыторыі нашай вобласці.
Ад не асцярожнага абыходжання з агнём і няправільных дзеянняў пры ўзнікненні пажару, людзі атрымліваюць апёкі: 43 чалавекі, з іх 4 дзіцяці траўміраваны на пажарах. Развядзенне вогнішчаў з гаручымі вадкасцямі, правядзенне агнявых работ, тушэнне ачагоў узгарання – усё гэта, без захавання мер бяспекі, прыводзяць трагічных наступстваў.
– З пачатку года ў краіне на пажарах загінулі 7 дзяцей. Апошні выпадак адбыўся ў Слуцкім раёне: гульня з запалкамі ў цюках саломы забрала жыццё 10-гадовага хлопчыка, – Андрэй Мікалаевіч загаварыў пра балючае. Прадстаўнік службы выратавання заклікаў прысутных бацькоў трымаць на кантролі арганізацыю вольнага часу сваіх дзяцей.