Учреждение Витебское областное управление МЧС Республики Беларусь
- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
У краму па веды
З дня ў дзень кожны з нас наведвае крамы. Дзеці просяць бацькоў схадзіць за чарговай цацкай, дарослыя акрамя прадуктаў і тавараў першай неабходнасці, гэтак жа адпраўляюцца туды за сваімі «жаданнямі». А ці здаралася вам набыць там, акрамя тавараў, веды па бяспецы? Віцебскія ратавальнікі забяспечылі такую магчымасць! Яны арганізавалі інтэрактыўныя пляцоўкі ў крамах "Дэтмір" і ў Віцебскім універмагу.
Мамы і таты, пры выглядзе ратавальнікаў усміхаліся, з радасцю і гонарам у вачах заяўлялі, што ў іх дома ўстаноўлены пажарныя апавяшчальнікі. Ведалі яны таксама і калі неабходна замяніць у дадзеным прыборы батарэйкі, і дзе яго размяшчаць. Прыемна ўсведамляць, што дадзеная інфармацыя бацькамі ўжо засвоеная. Аднак паўтарыць і замацаваць жыццёва важныя веды заўсёды карысна.
У ходзе гутарак работнікі МНС нагадалі бацькам пра важнасць не пакідання дзяцей нават на секунды, абмеркавалі, як перасцерагчы дапытлівых дзяцей ад траўмаў і рознага роду небяспекі.
Дзеці ў гэты час успаміналі нумары экстранных службаў, гулялі ў гульні, адгадвалі загадкі і вызначалі небяспекі, якія падпільноўваюць іх у доме.
Акрамя гэтага дзеці сумесна з бацькамі вывучалі дзеянні падчас пажару. Разбіраліся ў наступствах няслушных учынкаў пры надзвычайных сітуацыях.
Усе ўдзельнікі акцыі папоўнілі свой багаж ведаў пра бяспеку, паднялі сабе настрой і атрымалі карысныя падарункі.