- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Шаркаўшчына. У прадчуванні бяспечных навагодніх канікул!
Шаркаўшчынскія ратавальнікі ў рамках акцыі " Бяспечны Новы год!" паспяшаліся нагадаць школьнікам правілы паводзінаў у навагоднія святы, паколькі ў гэтыя дні павялічваецца колькасць пажараў і траўмаў у людзей ад таго, што яны парушаюць правілы бяспекі: запальваюць бенгальскія агні, выбухаюць петарды і хлапушкі, запускаюць феерверкі. А яшчэ няправільна ўпрыгожваюць ёлку, што таксама можа стаць прычынай пажару.
Разам з пажарным Дзедам Марозам і інспектарам прапаганды Курэц Крысцінай школьнікі ўспаміналі, якія правілы варта выконваць пры выкарыстанні піратэхнічных вырабаў, з якога ўзросту дазваляецца самастойна набываць і ўжываць піратэхніку, да чаго могуць прывесці гульні і жарты з піратэхнікай. Хлопцы ахвотна прымалі ўдзел у конкурсах і віктарынах, бяспечна прыбіралі ялінку, адказвалі на пытанні віктарыны, успаміналі нумары экстранных службаў.
Пасля праведзеных заняткаў ратавальнікі пажадалі дзецям правесці бяспечна навагоднія святы і школьныя канікулы.