МЧС Беларуси
МЧС Беларуси
Учреждение Витебское областное управление МЧС Республики Беларусь
- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Шаркаўшчына. Вучымся бяспекі з ранніх гадоў
- А да нас у школу прыходзілі ратавальнікі! - так, напэўна, мог пахваліцца кожны першакласнік сярэдняй школы №2 гарадскога пасёлка Шаркаўшчыны. Інспектар сектара прапаганды і ўзаемадзеяння з грамадскасцю Курэц Крысціна, у сваю чаргу, не проста прыйшла ў госці да школьнікаў, а падрыхтавала для іх пазнавальны занятак па асновах бяспекі.
Чаму навучыліся дзяўчынкі і хлопчыкі за час класнай гадзіны з ратавальнікамі? Як правільна паводзіць сябе на вуліцы і дома, якія гульні з аднагодкамі могуць быць небяспечнымі, як паводзіць сябе ў выпадку пажару і шмат чаму іншаму. Урок па бяспецы не ператварыўся ў сумную лекцыю аб тым, што такое добра, а што такое дрэнна. Простыя ісціны, якія дапамогуць школьнікам пазбегнуць трагедый і захаваць сваё жыццё і здароўе ратавальнікі давялі да хлопцаў праз конкурсы і віктарыны.
Падчас мерапрыемства дзеці даведаліся, у якіх цікавых конкурсах можна паўдзельнічаць разам з часопісам "Юны выратавальнік" і колькі карыснай інфармацыі знайсці на яго старонках. Але самае важнае, што засвоілі ў гэты дзень хлопцы - падчас пажару не трэба панікаваць і хавацца. Галоўнае-запомніць нумары службы выратавання і своечасова звярнуцца па дапамогу.
Будь готов
Другие новости
