МЧС Беларуси
МЧС Беларуси
Учреждение Витебское областное управление МЧС Республики Беларусь
- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Сянно. Абмяркавалі гарачыя тэмы
У рамках рэспубліканскай акцыі «Не прапальвай сваё жыццё!» начальнік Сенненскага раённага аддзела па надзвычайных сітуацыях Віталій Валжанкоў сустрэўся з жыхарамі аграгарадка Багданава, дзе нагадаў пра важнасць захавання правілаў бяспекі жыццядзейнасці.
Віталій Анатольевіч расказаў прысутным аб пажарах, якія адбыліся ў раёне, адзначыў асноўныя прычыны іх узнікнення. Прывёў прыклады пажараў, на якіх загінулі людзі. Было асабліва адзначана, што самая распаўсюджаная прычына ўзнікнення пажараў і гібелі - гэта неасцярожнае абыходжанне з агнём, у тым ліку пры курэнні. Работнік МНС распавёў пра тое, што можа прывесці да пажару і якія правілы пажарнай бяспекі павінен ведаць кожны чалавек, які хоча засцерагчы сябе і сваё жыллё ад здарэнняў. Акрамя гэтага начальнік аддзела растлумачыў асноўныя патрабаванні бяспекі, што прад'яўляюцца пры эксплуатацыі ацяпляльных печаў і электраабсталявання, папярэдзіў аб небяспецы пры курэнні ў стане алкагольнага ап'янення. Таксама было адзначана, што большасць пажараў адбываецца ў начны час, калі чалавек знаходзіцца ў стане сну, тады шанцы на выратаванне невялікія. Аўтаномны пажарны апавяшчальнік з'яўляецца адным з самых эфектыўных спосабаў выяўлення ўзгарання. Таму выратавальнік прапанаваў усім прысутным набыць і ўсталяваць аўтаномны пажарны апавяшчальнік. У завяршэнні сустрэчы, Віталій Анатольевіч распавёў аб распрацаваным МНС мабільным дадатку "МНС Беларусі: Дапамога побач", адказаў на ўсе пытанні, якія цікавілі прысутных, і пажадаў прысутным ніколі не сустракацца з надзвычайнымі сітуацыямі.
Будь готов
Другие новости
