- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Афіцэрскі сход c удзелам Аляксея Макеенка прайшоў у Докшыцкім раённым аддзеле па надзвычайных сітуацыях
Сёння ў Докшыцкім раённым аддзеле па надзвычайных сітуацыях адбыўся афіцэрскі сход, у якім прыняў удзел намеснік начальніка Віцебскага абласнога ўпраўлення МНС Макеенка Аляксей Мікалаевіч. Пачаўся сход з выканання выратавальнікамі Дзяржаўнага гімна Рэспублікі Беларусь.
У ходзе работы афіцэрскага сходу былі разгледжаны асноўныя палажэнні і задачы функцыянавання сходу, правы і абавязкі кожнага члена сходу, Савета афіцэрскага сходу, скарбніка і рэвізійнай групы. Таксама разгледжаны пытанні аб прызначэнні старшыні і іншых службовых асоб савета, якія будуць адказваць за арганізацыйныя пытанні і функцыянаванне афіцэрскага сходу.
15 кастрычніка прайшоў Рэспубліканскі афіцэрскі сход, на якім былі разгледжаны пытанні дзейнасці дадзенага органа, прысутнымі быў зацверджаны Кодэкс гонару работніка органаў і падраздзяленняў па надзвычайных сітуацыях Рэспублікі Беларусь, таму да членаў афіцэрскага сходу былі даведзены Кодэкс гонару работніка органаў і падраздзяленняў па надзвычайных сітуацыях і зварот Міністра па надзвычайных сітуацыях Рэспублікі Беларусь да ўдзельнікаў Рэспубліканскага афіцэрскага сходу. Удзельнікам сходу таксама прадэманстравалі відэафільм аб гісторыі ўзнікнення і развіцця афіцэрскіх сходаў.