- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Валанцёры Віцебскага раёна і работнікі МНС праводзяць акцыю "112 добрых спраў"
Першыя кастрычніцкія дзянькі работнікі Віцебскага раённага аддзела па надзвычайных сітуацыях і хлопцы-валанцёры з Кіраўскай школы Віцебскага раёна праводзяць з карысцю, наведваюць адзінокіх пажылых людзей, інвалідаў і ветэранаў. Нарыхтаваць дровы да зімы, падмесці ў доме, навесці парадак у двары - усё разам гэта першы этап акцыі "Моладзь за бяспеку!" пад сімвалічнай назвай "112 добрых спраў".
- Работнікі МНС ужо не першы раз прыходзяць мне на дапамогу, — усміхаецца пенсіянерка. - Былі гэтыя бравыя хлопцы, падчас рэйду летась, паглядзелі ці спраўны апавяшчальнік, ці ўсё добра з печкай. На шчасце, нават калі і былі нейкія парушэнні, тут жа ўсё было выпраўлена. У гэты раз, прыйшлі з юнымі памочнікамі. Вельмі выдатна! Дзякую МНС і хлопцаў за аказаную дапамогу.
Не забыліся госці нагадаць пенсіянерам і пра бяспеку ва ўласным жыллё: правілы эксплуатацыі электрапрыбораў, газавага абсталявання, пячнога ацяплення і агульнае выкананне правіл бяспекі ў побыце. Здзяйсняць добрыя і бяспечныя справы моладзь Віцебскага раёна будзе працягваць і далей.