- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Сянно. Аб бяспецы з будаўнікамі
Першы намеснік начальніка Сенненскага раённага аддзела па надзвычайных сітуацыях Сяргей Паўлоўскі выступіў перад работнікамі прыватнага ўнітарнага прадпрыемства «Квант» на аб'екце будаўніцтва.
Сяргей Васільевіч расказаў аб асноўных прычынах ўзнікнення пажараў, аб фактах гібелі людзей у Сенненскім раёне, акцэнтуючы ўвагу на тым, што большасць загінулых на пажары знаходзіліся ў стане алкагольнага ап'янення. Таксама адзначыў, што з надыходам асенняга пажаранебяспечнага перыяду пачашчаюцца выпадкі ўзнікнення пажараў ад пячнога ацяплення, у выніку чаго згараюць хаты і гаспадарчыя пабудовы, гінуць людзі. Работнік МНС нагадаў аб дзеяннях у выпадку ўзнікнення пажару, даў рэкамендацыі па бяспечнай эксплуатацыі сістэм ацяплення і электраабсталявання, паўтарыў правілы выкліку ратавальнікаў, эвакуацыі, а таксама правілы карыстання першаснымі сродкамі пажаратушэння. Першы намеснік начальніка звярнуў увагу на карысць мабільнага дадатку «МНС Беларусі: Дапамога побач».
Пасля выступлення выратавальнік адказаў на пытанні работнікаў і ўручыў ім наглядна-выяўленчую прадукцыю.