- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Сянно. Папярэджаны- значыць узброены
Работнікі Сенненскага раённага аддзела па надзвычайных сітуацыях выкарыстоўваюць розныя формы работы па павышэнні ўзроўню інфармавання жыхароў раёна. Так у рамках рэспубліканскай акцыі «Бяспека- у кожны дом!» з адзінокімі і адзінока пражываючымі пажылымі людзьмі і пенсіянерамі прадстаўнікі МНС правялі прафілактычныя мерапрыемствы з дапамогай тэлефонных званкоў.
Як пазбегнуць трагедый, абараніць свой дом ад пажару і захаваць жыццё родных і блізкіх- пра гэта і яшчэ многае іншае вялася гаворка з жыхарамі.
У простай даступнай форме прадстаўнікі МНС нагадалі аб дзеяннях у выпадку ўзнікнення ўзгарання і правілах карыстання першаснымі сродкамі пажаратушэння. Асаблівую ўвагу звярталі на недапушчэнне курэння ў ложку, асабліва ў нецвярозым стане. Гаварылі пра неабходнасць устаноўкі ў дамах і кватэрах аўтаномных пажарных апавяшчальнікаў, якія з’яўляюцца эфектыўнымі сродкамі ранняга выяўлення агню. Прывялі прыклады выпадкаў выратавання жыцця людзей, дзякуючы гэтым прыборам. Каб прадухіліць вогненныя трагедыі, вяскоўцам рэкамендавалі падтрымліваць печы ў сапраўдным стане. Не засталася ў баку і тэма эксплуатацыі электрапрыбораў.
Як паказвае практыка, такая форма інфармавання насельніцтва неабходна, бо падчас размовы з прадстаўнікамі МНС людзі маюць магчымасць задаць цікавячыя іх пытанні і атрымаць адказы па забяспячэнні пажарнай бяспекі ў сваіх дамах.