- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Лепяль. Рэйд пад назвай «Зімовы патруль»
Сумесны рэйд пад назвай «Зімовы патруль» правялі члены МААП раённага камітэта ГА «БРСМ» і супрацоўнікі раённага аддзела па надзвычайных сітуацыях.
У апошні час тэмпературны фон знізіўся, надвор'е стала больш марозным, вадаёмы пакрыліся лёдам. Здавалася б, таўшчыня лёду дастатковая, каб пасядзець са снасцямі, але і пра бяспеку нельга забываць.
«Зімовы патруль» адправўся на возера Проша. Пагаварыўшы пра бяспеку і ўручыўшы памятку, вырашылі разам з рыбаком вымераць таўшчыню лёду. 15 сантыметраў – нядрэнна, трэба сказаць. Мінімальнай бяспечнай таўшчынёй для перамяшчэння і рыбалкі лічацца 10 сантыметраў. Аднак трэба ўлічваць, што прамярзанне не паўсюдна аднолькавае.
Не першы год рыбачым, ведаем, калі можна выходзіць на лёд, адказвалі мужчыны. Аднак калі ратаўнікі пачыналі распавядаць пра небяспечныя месцы на канкрэтным вадаёме, усе ўважліва слухалі, “маталі на вус”.
Мэтай «Зімовага патруля» з'яўляецца прафілактыка трагічных здарэнняў, а галоўныя адрасаты акцыі - рыбакі. У гэты дзень аматарам падлёднай лоўлі нагадалі пра важнасць захавання правілаў паводзін на лёдзе, мерах засцярогі, патлумачылі, што трэба ведаць і рабіць, калі чалавек праваліўся ў ваду. Успомнілі і элементы аказання першай медыцынскай дапамогі.
У ледзяной вадзе дастаткова правесці 15 хвілін, каб арганізм быў ахалоджаны да стану, з якога ўжо немагчыма аднавіць жыццёва важныя функцыі.