- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Глыбокае. Свята пад адкрытым небам
У рамках рэспубліканскай акцыі «Моладзь за бяспеку!», а таксама Міжнароднага дня пажылых людзей на базе Глыбоцкага тэрытарыяльнага цэнтра сацыяльнага абслугоўвання насельніцтва разгарнуліся незвычайныя мерапрыемствы пад назвай «Шчодрая восень», галоўнымі героямі якога сталі энергічныя і азартныя бабулі і весялун наш дзядуля.
Работнікі МНС прынялі актыўны ўдзел у гэтым мерапрыемстве. Начальнік Глыбоцкага аддзела Васіль Завадскі правёў пазнавальнае прафілактычнае мерапрыемства, павіншаваў пенсіянераў з Міжнародным днём пажылога чалавека, пажадаў доўгіх гадоў жыцця і здароўя, адзначыў запал і азарт старажылаў. Вядома ж, не абышлося і без прыемных сюрпрызаў: за актыўны ўдзел у свяце, падораныя эмоцыі і ўражанні ўдзельнікі былі ўзнагароджаны памятнымі падарункамі. Галоўныя ўдзельнікі мерапрыемства не толькі правільна адказвалі на каверзныя пытанні ад ратавальнікаў, але і праявілі творчыя здольнасці ў стварэнні і выкананні крэатыўных прыпевак па тэматыцы бяспекі. Творчыя выступы бабуль надалі святу яшчэ больш яркіх фарбаў.
Мерапрыемства атрымалася насычаным і цікавым, усе адправіліся дадому ў добрым настроі.