- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Лепель. Бяспечны маршрут
У рамках рэспубліканскай акцыі «З клопатам пра бяспеку малой Радзімы» лепельскія ратавальнікі далучыліся да маршрутах аўтамагазінаў, бо гэта яшчэ адна магчымасць правядзення прафілактычных мерапрыемстваў з насельніцтвам, накіраваных на павышэнне ўзроўню інфармаванасці жыхароў раёна па пытаннях бяспекі.
Так, з аўталаўкай Лепельскага раённага спажывецкага таварыства работнікі МНС праехалі па маршруце, які пралягае па тэрыторыі Горскага сельсавета. На кожным прыпыначным пункце з пакупнікамі вяліся гутаркі аб мерах бяспекі ў побыце. Для прыкладаў прыводзіліся пажары, якія адбыліся на тэрыторыі раёна, прычынай якіх стала бестурботнасць грамадзян.
Асаблівая ўвага была ўдзелена патрабаванням пажарнай бяспекі пры эксплуатацыі пячнога ацяплення, электрасетак і электраабсталявання, аб небяспецы курэння ў ложку і аб неабходнасці абсталявання домаўладанняў аўтаномнымі пажарнымі апавяшчальнікамі.
Усім прысутным грамадзянам раздаваліся буклеты і памяткі, а таксама людзі атрымлівалі адказы спецыялістаў на пытанні, якія цікавяць іх па тэматыцы забеспячэння бяспекі ў жылле.