- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Шаркаўшчына. Экскурсія для маленькіх гасцей
Работнікі Шаркаўшчынскага падраздзялення МНС пазнаёмілі дзяцей з няпростай, але ў той самы час адважнай прафесіяй выратавальніка-пажарнага, прызначэннем і прыладай пажарнай аварыйна-выратавальнай тэхнікі і інструмента, а таксама не хітрымі і вельмі важнымі правіламі бяспекі жыццядзейнасці.
Для школьнікаў была праведзена экскурсія па будынку. Паказалі каравульныя памяшканні, дзяжурна-дыспетчарскую службу, памяшканне для адпачынку. Вучні задавалі шмат пытанняў. Затым ратавальнікі прадэманстравалі элементы баявога адзення, пажарна-выратавальнае абсталяванне. Нават дзяўчынкам было цікава прымерыць баявую вопратку.
Школьнікі з вялікай цікавасцю слухалі і задавалі пытанні. Дзеці таксама запазычылі шмат карыснай інфармацыі з гутаркі з тымі, хто штодня займаецца тушэннем пажараў і выратаваннем людзей.
Пасля таго, як экскурсія скончылася, хлопцам прадставілася магчымасць паўтарыць правілы бяспекі разам з ратавальнікамі. Яны ўспомнілі нумары выкліку экстраных службаў, прагаварылі парадак дзеяння, калі загарэўся электрапрыбор або алей на патэльні, а так жа разгадвалі рэбусы.
Пасля дадзенай навучальнай экскурсіі можна з абсалютнай упэўненасцю сказаць, што кожны з прысутных будзе выразна памятаць, а галоўнае, выконваць усе без выключэння правілы бяспекі, і ніякія надзвычайныя сітуацыі не амрочаць карысны і прыемны адпачынак
Маленькія госці заўсёды пакідаюць падраздзяленні МНС з іскрыстымі вачыма і добрым настроем, а яшчэ просяць ратавальнікаў сустрэцца зноў.