МЧС Беларуси
МЧС Беларуси
Учреждение Витебское областное управление МЧС Республики Беларусь
- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Сянно. На бацькоўскім сходзе
Першы намеснік начальніка Сенненскага раённага аддзела па надзвычайных сітуацыях Андрэй Рогаў выступіў на бацькоўскім сходзе і працоўным калектыве ў ДУА «Багушэўская сярэдняя школа».
Андрэй Уладзіміравіч давёў прысутным абстаноўку з пажарамі і гібеллю людзей на іх у рэспубліцы, вобласці, а таксама ў раёне, прычыны іх узнікнення, патрабаванні бяспекі ў побыце. Пасля гэтага прысутным распавялі пра акцыю "Бяспечны Новы год!». Бацькі даведаліся ад выратавальніка пра патрабаванні пры ўжыванні піратэхнічных вырабаў, аб абавязковым вывучэнні інструкцыі па эксплуатацыі перад іх выкарыстаннем і правілах ўстаноўкі навагодняй елкі ў жылых памяшканнях. У дадатак да ўсяго сказанага, усім, хто знаходзіцца ў актавай зале школы быў прадэманстраваны тэматычны відэафільм.
Пры размове з бацькамі акцэнтавалася ўвага на недапушчэнні пакідання дзяцей без нагляду. Бацькам нагадалі пра неабходнасць вывучэння дзецьмі правілаў пажарнай бяспекі і іх выканання. Былі абмеркаваныя пытанні выхавання дзяцей і іх паводзінаў адных дома і на вуліцы, а таксама алгарытм дзеянняў дзяцей у выпадках узнікнення небяспекі.
Андрэй Уладзіміравіч падчас свайго выступу падкрэсліў, што бацькі не павінны пакідаць дзяцей дома адных. Яны павінны ведаць, дзе і з кім гуляе іх дзіця. Было таксама адзначана, што бацькі павінны самі беспярэчна выконваць правілы пажарнай бяспекі. Нагадаў дарослай аўдыторыі меры належнага абыходжання з агнём, газавымі ўстаноўкамі, электрапрыборамі, печамі.
Не абмінулі правілы паводзін пры пажары. Быў абмаляваны алгарытм дзеянняў падчас узгарання, правілы выкліку пажарнай аварыйна-выратавальнай службы.
У завяршэнне бацькоў заклікалі клапаціцца пра сваіх дзяцей, быць для іх добрым прыкладам ва ўсіх жыццёвых пачынаннях.
Будь готов
Другие новости
