- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Сянно. Пагулялі, паўтарылі… свет бяспекі адчынілі
Інспектар сектара прапаганды і ўзаемадзеяння з грамадскасцю Сенненскага раённага аддзела па надзвычайных сітуацыях Марына Кажарская наведала дзіцячыя сады ў аграгарадку Машканы, у гарадскім пасёлку Багушэўск, таксама сады №2 і №3 горада Сянно.
Марына Юр'еўна правяла з дзецьмі навучальную прафілактычную гутарку па асновах бяспекі жыццядзейнасці, падчас якой распавяла дзецям аб правілах бяспекі падчас навальніцы, адпачынку на прыродзе, на вадаёмах. Паўтарыўшы нумары экстраных службаў, кожны паспрабаваў патэлефанаваць дыспетчару і паведаміць аб надзвычайнай сітуацыі. Таксама работнік МНС распавяла, дзе небяспечныя месцы дома і чаму песціцца з агнём і вострымі прадметамі вельмі небяспечна. Для навучання выкарыстоўваліся сітуацыйныя гульні: «Пяць крокаў выратавання», «Дым, вуліца, пажар», «Небяспечна – бяспечна». Такім чынам, хлопцы і дзяўчынкі атрымалі не толькі пазітыўныя эмоцыі, але і патрэбныя веды і ўменні.