Бешанковічы. Бяспека ўборачнай кампаніі на асобым кантролі ратавальнікаў

На змену зацяжным дажджам прыйшло доўгачаканае сонца. Слупкі тэрмометраў няўхільна паўзуць уверх, а для аграрыяў наступіла самая адказная пара – уборка ўраджаю. Каб своечасова прыбраць культуры і зберагчы іх ад агню, работнікі раённага аддзела па надзвычайных сітуацыях нагадваюць працаўнікам аграпрамысловага комплексу патрабаванні пажарнай бяспекі.

Супрацоўнікі МНС праводзяць наглядна-прафілактычныя мерапрыемствы штодня, імкнучыся ахапіць усе суб'екты гаспадарання, задзейнічаныя ва ўборачнай кампаніі. Галоўная мэта такіх візітаў –аказаць кансультатыўную дапамогу кіраўнікам гаспадарак, своечасова заўважыць слабыя месцы і ліквідаваць іх да пачатку гарачай пары.

У межах гэтай працы ратавальнікі правялі чарговыя прафілактычныя мерапрыемствы ў месцах уборкі збожжавых культур у закрытым акцыянерным таварыстве «АСБ-Агра Наватар» і сельскагаспадарчым унітарным прадпрыемстве «Вядрэва».

У полі зроку супрацоўнікаў ведамства знаходзіцца кожны аспект бяспекі: правяраюцца наяўнасць і спраўнасць першасных сродкаў пажаратушэння, укамплектаванасць тэхнікі спраўнымі вогнетушыцелямі, а таксама забеспячэнне месцаў уборкі дзяжурнай тэхнікай, прыстасаванай для падачы вады. Асобным пунктам праграмы кантролю традыцыйна з'яўляецца веданне работнікамі алгарытму дзеянняў у выпадку надзвычайнай сітуацыі.

Ратавальнікі сустракаюцца з інжынерамі, аграномамі і механізатарамі, праводзяць прафілактычныя гутаркі з усімі работнікамі, задзейнічанымі на ўборцы ўраджаю, каб яшчэ раз прагаварыць асноўныя правілы бяспекі на працоўным месцы.

– Падчас уборачнай кампаніі любая іскра можа прывесці да непапраўных наступстваў. Наша мэта – аказаць максімальную дапамогу аграрыям мінімізаваць любыя рызыкі. Асобую ўвагу мы ўдзяляем не толькі тэхнічнаму стану ўборачно-нарыхтоўчых агрэгатаў, але і гатоўнасці саміх людзей аператыўна і правільна зрэагаваць у выпадку найменшага загарання, – адзначыў старшы інспектар сектара нагляду і прафілактыкі Бешанковіцкага раённага аддзела па надзвычайных сітуацыях.