Гарадок. Аб бяспецы каля прылаўка

Інспектар сектара прапаганды і ўзаемадзеяння з грамадскасцю Гарадоцкага раённага аддзела па надзвычайных сітуацыях Крысціна Жорава рэгулярна сустракаецца з жыхарамі вёсак і іншых населеных пунктаў раёна ў месцах гандлю і масавага адпачынку. Размовы заўсёды аб важным, аб надзвычайных сітуацыях, якія адбыліся ў вобласці і раёне, а таксама аб рэкамендацыях па недапушчэнні пажараў у жыллё грамадзян.

Бесперапынная работа з насельніцтвам па фарміраванні культуры бяспекі ў грамадстве – адзін з важных прыярытэтаў для МНС. Таму ратавальнікамі выкарыстоўваецца магчымасць для данясення да жыхароў нашай краіны аб важнасці захавання правілаў пажарнай бяспекі.

Звычайна, месцы гандлю ў сельскай мясцовасці гэта тэрыторыя для сустрэч і абмену навінамі ў мясцовых жыхароў, таму на гэтых пляцоўках часта можна сустрэць работнікаў выратавальнага ведамства. Тут у інтэрактыўнай форме можна не толькі праверыць наяўныя веды ў пытаннях бяспекі, але і набыць новыя.

Так, інспектар Крысціна Жорава, прапаноўвала жыхарам Пальмінскага сельсавета адказаць на пытанні віктарыны пра бяспеку ў зімовы час года, а з дапамогай гульнявой абруса папоўніць веды гаспадынь у задачы па тушэнні ўзгаранняў на пліце і ў іншых бытавых абставінах.

Нагадвала інспектар і аб недапушчальнасці курэння ў ложку, а таксама пра асноўныя правілы пажарнай бяспекі пры эксплуатацыі пячнога ацяплення.

У завяршэнні гутарак, кожны наведвальнік атрымаў наглядна-выяўленчую прадукцыю супрацьпажарнай накіраванасці і новыя веды ў галіне бяспекі жыццядзейнасці.