МЧС Беларуси
МЧС Беларуси
Учреждение Витебское областное управление МЧС Республики Беларусь
- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Міеры. Правілы бяспечных паводзін для дзяцей
На тэрыторыі Міерскага раёна працягваецца пажарна-прафілактычная работа з насельніцтвам па папярэджванні пажараў і іншых надзвычайных сітуацый. І хоць усе мы пагаджаемся з тым, што адказнасць за бяспеку нясуць дарослыя, аднак падрастаючае пакаленне таксама не застаецца ў старонцы. Так, чарговая сустрэча прайшла ў Слабацкой пачатковай школе. Да хлопчыкаў і дзяўчынак завіталі выратавальнікі, каб нагадаць, што жыць неабходна бяспечна!
Канешне, спачатку дзеці імкнуліся даказаць, што і так добра ўсё ведаюць і выконваюць. Аднак трагічныя прыклады з жыцця з’явіліся доказам таго, што да «ўсёведання» нам яшчэ вельмі далёка. Таму зусім не лішнімі былі праведзеныя з хлопчыкамі і дзяўчынкамі «гульні бяспекі». Так, дзеці пры дамапозе гульні ўзгадалі, як сябе паводзіць, каб не трапіць у надзвычайныя сітуацыі, і што рабіць, калі такая сітуацыя адбылася. Акрамя таго, удзельнікам мерапрыемства нагадалі, як правільна вызваць службу выратавання і што зрабіць з апавяшчальнікам, каб ён сапраўды апавяшчаў.
«У нас дома ёсць апавяшчальнік, – паведаміў Дзіма, вучань трэцяга класа. – Ён у маім пакоі на столі вісіць. Я ведаю, што ён працуе, як сігналізацыя: пажар пачынаецца – апавяшчальнік пікаць пачынае. У гэты момант неабходна выклікаць ратавальнікаў і выбягаць на вуліцу».
Адразу адчуваецца, што з дзецьмі праводзяцца размовы па правілах бяспечных паводзін і ў школе, і дома. А каб хлопчыкам і дзяўчынкам было цікава і далей вывучаць гэтыя правілы, ратавальнікі ўручылі ў канцы мерапрыемства вучнямі тэматычныя падарункі – размалёўкі, лінейкі.
Будь готов
Другие новости
