МЧС Беларуси
МЧС Беларуси
Учреждение Витебское областное управление МЧС Республики Беларусь
- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Гарадоцкія ратавальнікі затрымліваюць увагу мінакоў горада на галоўным
Па вуліцах горада Гарадка пачаў курсіраваць аўтобус з сацыяльнай рэкламай МНС, якая дапамагае не забывацца пра галоўнае – спосабы выратавання пры такой надзвычайнай сітуацыі, як пажар.
Вонкавая рэклама – гэта тое, што «чапляе вока» чалавека. Праязджаеш на аўтамабілі, бачыш банеры, размешчаныя на дамах, графіці, якія прывабліваюць увагу мінакоў. Прыбывае аўтобус, разглядаеш нанесеную на ім рэкламу. І ўсё гэта зроблена з адной мэтай – прыцягнуць увагу людзей да пытанняў бяспекі.
– У мінулым годзе ў цэнтры горада мы ўжо намалявалі тэматычнае графіці, якое бачыць кожны, хто прыбывае на аўтавакзал і праязджае міма. З'явіліся ў нас і два новыя банеры з кампаніяй «У стыхіі няма сэрца». У 2025 годзе запушчана супрацоўніцтва з мясцовымі прадстаўнікамі прыватнага бізнесу ў сферы харчавання, дзе вырашана размясціць на каробках для піцы і сушы налепкі з правіламі выратавання пры пажары. На гэтым не спыняемся, вось зараз жыхары і госці Гарадка могуць убачыць гарадскі аўтобус з сацыяльнай рэкламай ад МНС, – адзначае рознабаковасць падыходу да прафілактыкі сярод насельніцтва начальнік Гарадоцкага раённага аддзела па НС, Дзмітрый Сямёнаў.
Цяпер грамадскі транспарт Філіяла «Аўтобусны парк №1» адкрытага акцыянернага таварыства «Віцебскаблаўтатранс» абнавіўся не толькі новай сацыяльнай рэкламай на супрацьпажарную тэматыку, але і стаў спосабам данясення неабходнай для выратавання жыцця чалавека карыснай інфармацыі.
Будь готов
Другие новости
