- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Урокі бяспекі ў школах Ушацкага раёна
Ушацкія ратавальнікі працягваюць працу ў рамках другога этапу рэспубліканскай акцыі "Бяспека ў кожны дом!", і на гэты раз яны наведалі старшакласнікаў з Глыбочанскай і Арэхаўскай сярэдніх школ раёна.
З хлопчыкамі і дзяучынкамі была праведзена займальная віктарына "Дзе логіка?", дзе дэманстраваліся слайды з зашыфраванымі на іх словамі, якія звязаны з бяспекай жыццядзейнасці. Распавёўшы аб прычынах пажараў, работнік ведамства прадэманстравала аўтаномны пажарны апавяшчальнік, правілы яго ўстаноўкі і выкарыстання. Пагаварылі і пра эвакуацыю з памяшканняў, і як правільна паводзіць сябе ў натоўпе. Адгадаўшы слайд з вогнетушыцелем, хлопцы наглядна прадэманстравалі свае навыкі працы з ім.
Інспектар нагадала дзецям правілы запуску салютаў, нумары службаў выратавання, аб небяспеках не правільнай эксплуатацыі электраабсталявання, не застаўся без увагі і пытанне аб шкодзе згубнай звычкі.
У завяршэнні мерапрыемства старшакласнікам было прадэманстравана мабільнае прыкладанне "МНС Беларусі: Дапамога побач" і ўручана наглядна-выяўленчая прадукцыя.