- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Сянно. Паляцелі ... вывучаць правілы бяспекі
Інспектар сектара прапаганды і ўзаемадзеяння з грамадскасцю Сенненскага раённага аддзела па надзвычайных сітуацыях Марына Кажарская наведала Беліцкую сярэднюю школу і Багданаўскую пачатковую школу, каб з выхаванцамі дзіцячых садоў адправіцца ў займальнае падарожжа на планету "Баламуція".
Касмічнае падарожжа для рабят праходзіла займальна і пазнавальна. Дзеці ўвесь час пераадольвалі цяжкасці, ратуючы жыхароў розных планет. Разам з Бубай ‑ жыхаром Шустрай планеты, хлопцы ўспаміналі нумары экстраных службаў і паўтаралі, што неабходна сказаць ратавальнікам. Генералы Халоднай планеты не ведалі, калі агонь бывае добрым, а калі злым. А Нюша аказалася замкнёная ў вежы, з якой не ведала, як выбрацца з-за дыму. Маршрут неўзаметку прывёў да канцавога пункта. Малых сустрэў Баламут і падзякаваў за тое, што яны зрабілі столькі добрых спраў, дапамаглі жыхарам розных планет, а заадно і паўтарылі правілы бяспекі. На памяць аб сустрэчы госці мерапрыемства перадалі падарункі ад Баламута, а хлопцы ў сваю чаргу запэўнілі, што будуць выконваць атрыманыя веды.