- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Докшыцы. Безадказнасць – шлях да пажару!
У Докшыцкім раёне працягваецца пажарна-прафілактычная праца па абследаванні домаўладанняў грамадзян. У мэтах ажыццяўлення кантролю за станам бяспечных умоў пражывання грамадзян і прадухіленні гібелі людзей на пажарах была арганізавана работа назіральных камісій. Прадстаўнікі суб'ектаў прафілактыкі і курсант 4 курса Універсітэта грамадзянскай абароны Міністэрства па надзвычайных сітуацыях Беларусі Андрэй Юнцэвіч правялі прафілактычную працу ў домаўладаннях шматдзетных сем'яў, адзінокапражываючых пенсіянераў, асоб, якія вядуць асацыяльны лад жыцця, а таксама беспрацоўных грамадзян на тэрыторыі Сітцэўскага і Крулеўшчынскага сельсаветаў.
Грамадзян інфармавалі аб галоўных прычынах пажараў у жылым фондзе, тлумачылі грамадзянам асноўныя патрабаванні пажарнай бяспекі. Увага была звернута на ўмовы пражывання, стан пячнога ацяплення, электраправодкі, на недапушчальнасць захоўвання пажаранебяспечных матэрыялаў на гарышчы дома, а таксама падтрыманне ў спраўным стане аўтаномных пажарных апавяшчальнікаў.
Работнікі МНС падчас абследавання звярнулі ўвагу на захаванне супрацьпажарнага рэжыму ў домаўладаннях, а таксама на веданне домаўладальнікаў правілаў паводзін у выпадку надзвычайнай сітуацыі. Суб'екты прафілактыкі патлумачылі домаўладальнікам выяўленыя парушэнні, прапанавалі спосабы іх ліквідацыі і папярэдзілі аб адказнасці за парушэнні патрабаванняў нормаў бяспекі. Усім удзельнікам мерапрыемства ўручаны супрацьпажарныя памяткі.