МЧС Беларуси
МЧС Беларуси
Учреждение Витебское областное управление МЧС Республики Беларусь
- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Талачын. Забавы на лядовым катку
Напярэдадні навагодніх і калядных святаў інспектар Талачынскага раённага аддзела па НС і Дзед Мароз-выратавальнік выйшлі на лядовы каток у г. Талачыне для таго, каб правесці прафілактычнае мерапрыемства ў рамках трэцяга этапу рэспубліканскай акцыі «Бяспечны Новы год!».
Ратавальнікі падрыхтавалі для наведвальнікаў займальныя конкурсы і віктарыны па бяспецы. З энтузіязмам аматары катання на каньках узяліся дэманстраваць свой спрыт у конкурсе «Затушыць агонь», у якім снежкамі з паперы трэба было на хаду трапіць у агонь з адтулінай. Аматары салодкага змаглі парадаваць сябе цукеркай, але разгарнуць яе трэба было надзеўшы на рукі пажарныя пальчаткі-крагі. У конкурсе «Убяры ялінку» юным канькабежцам неабходна было ўпрыгожыць ёлку бяспечнымі цацкамі. Праверыць сваю кемлівасць рабяты змаглі, разгадаўшы навагоднія загадкі і рэбусы па бяспецы. Пасля гэтага яны ўспомнілі тэлефоны службаў выратавання і папрактыкаваліся ў іх выкліку.
Не засталіся ўбаку і дарослыя. Таты са сваімі дзецьмі актыўна адказвалі на пытанні па правілах бяспечнага выкарыстання бенгальскіх агнёў, хлапушак, петардаў і салютаў, а замацавалі свае веды ў анлайн-гульні «Крокі выратавання».
Кожны ўдзельнік акцыі атрымаў на памяць невялікі падарунак у выглядзе настольнага календара ад МНС на 2022 год, а дзятва яшчэ і расклад заняткаў, а таксамі буклет з карыснымі парадамі аб тым, як бяспечна правесці навагоднія і калядныя святы.
Віншаванні, конкурсы, віктарыны, а таксама фатаграфія на памяць з незвычайным Дзедам Марозам падарылі прысутным зарад станоўчых эмоцый і добры настрой.
Будь готов
Другие новости
