- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Бешанковічы. Жыццё важней за ўсё
Як дзейнічаць у выпадку пажару? Куды бегчы і што ратаваць? Як не паддацца паніцы? Адказы на гэтыя і іншыя пытанні павінен ведаць кожны чалавек, бо веданне, як паводзіць сябе ў экстрэмальных сітуацыях, якія ўзніклі ў грамадскім месцы або дома, дапамогуць разгледзець іх аб'ектыўна, а адпрацаваныя да аўтаматызму дзеянні, дапамогуць захаваць нашу самую галоўную каштоўнасць – жыццё. Усе гэтыя пытанні разглядаліся на сустрэчы намесніка начальніка Бешанковіцкага раённаяга аддзела па НС Аляксея Голуба з працоўным калектывам прыватнага прадпрыемства «Белвудбудгандаль».
Для пачатку Аляксей Рыгоравіч нагадаў прысутным аб неабходнасці захавання правілаў пажарнай бяспекі ў побыце. Затым ён азнаёміў з дзеяннямі ў выпадку ўзнікнення пажару, паказаў, як правільна карыстацца першаснымі сродкамі пажаратушэння.
У сваім выступе ратавальнік распавёў пра пажары, якія адбыліся ў гэтым годзе, аб прычынах гібелі людзей на iх, адзначыўшы, што менавіта чалавечая бестурботнасць з'яўляецца галоўным фактарам ўзнікнення няшчасных выпадкаў.
Асобная ўвага была нададзена забеспячэнню бяспекі дзяцей. Бо адзін няправільны крок дзіцяці, няўважлівасць і бестурботнасць бацькоў могуць абярнуцца трагедыяй. Работнік МНС заклікаў дарослых ні ў якім разе не пакідаць дзяцей без нагляду, кантраляваць іх баўленне часу, быць прыкладам для пераймання і пастаянна нагадваць аб правілах бяспечных паводзін дома, на вуліцы.