- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Браслаў. За пакупкамі і ведамі
Прабягаючы па краме ў спешцы хутчэй зрабіць пакупкі, мы рэдка звяртаем увагу на тое, што некаторыя тавары патэнцыйна небяспечныя. Так, гаворка аб цыгарэтах. Не кожны курэц, распальваючы цыгарэту ў хаце, задумваецца пра тое, ці будзе яна патушаная або разгарыцца ў вялікі пажар. Як звычайна спрацоўвае пачуццё, што ўсё дрэннае адбываецца дзесьці там, у іншым раёне, вобласці, краіне. А бяда заўсёды побач, варта толькі нядбайна паставіцца да правіл пажарнай бяспекі, асабліва да неасцярожнага абыходжання з агнём.
Распавесці аб дадзенай праблеме, прывесці трагічныя прыклады, нагадаць пра карысць аўтаномных пажарных апавяшчальнікаў зноў жа на канкрэтных прыкладах падчас трэцяга этапу рэспубліканскай акцыі "Не прапальвай сваё жыццё» змаглі прадстаўнікі МНС наведвальнікам ГД «Віталіч» г.Браслава. А каб словы ратавальнікаў засталіся ў памяці, работнікі МНС уручылі ўдзельнікам акцыі прафілактычныя памяткі і буклеты, якія у спакойнай хатняй абстаноўцы яшчэ раз нагадаюць аб неабходнасці захавання правілаў пажарнай бяспекі. Самыя актыўныя паспрабавалі сабраць і ўсталяваць АПА, а самыя заўзятыя курцы яшчэ і абмянялі цыгарэты на цукеркі. Тыя, хто даўно кінуў згубную звычку ці ўвогуле не паліць, атрымалі ад прадстаўнікоў МНС памяткі "Дапамога побач", бо пажарамі ад цыгарэт надзвычайныя сітуацыі не сканчаюцца. Былі і тыя, хто падпісаў прысягу адмовы ад курэння.