- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Шаркаўшчына. Сумесны рэйд у рамках прафілактычнай акцыі "За бяспеку разам!»
У Шаркаўшчынскім раёне праходзіць прафілактычная акцыя " За бяспеку разам!", мэтай якой з'яўляецца зніжэнне колькасці пажараў і гібелі людзей на іх у асенне-зімовы перыяд, а таксама павышэнне інфармаванасці насельніцтва аб магчымасцях дзяржаўных арганізацый па аказанні паслуг у сферы забеспячэння пажарнай бяспекі.
У адзін з кастрычніцкіх дзён шаркаўшчынскія ратавальнікі правялі прафілактычны рэйд на тэрыторыі гарадскога пасёлка Шаркаўшчыны. Падчас рэйду, у якім таксама ўдзельнічалі прадстаўнікі медыцыны, тэрытарыяльнага цэнтра і іншыя суб'екты прафілактыкі, былі абследаваны домаўладанні адзінокіх і адзінока пражываючых пажылых грамадзян і інвалідаў на прадмет супрацьпажарнага стану.
Удзельнікі рэйду нагадвалі домаўладальнікам асноўныя прычыны ўзнікнення вогненных здарэнняў і тлумачылі, як іх прадухіліць. Асаблівую ўвагу грамадзян звярталася на падрыхтоўку да асенне-зімовага перыяду, захаванне правілаў эксплуатацыі ацяпляльных прыбораў. Таксама інспектар прапаганды Курэц Крысціна правяла прафілактычныя гутаркі аб недапушчальнасці курэння ў жылых памяшканнях і аб неабходнасці ўстаноўкі аўтаномных пажарных апавяшчальнікаў у жылых пакоях.
Праверыўшы домаўладання, прадстаўнікі камісіі паказвалі гаспадарам на наяўныя недахопы, а гэтак жа ўручылі памяткі супрацьпажарнай накіраванасці. Па выніках рэйду праверана 18 домаўладанне, аб мерах пажарнай бяспекі ў побыце праінструктавана 23 чалавекі.