- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Шаркаўшчына. Нагадалi правілы бяспекі дзецям і дарослым!
Шаркаўшчынскія ратавальнікі працягваюць нагадваць правілы бяспекі дзецям і дарослым. На гэты раз ратавальнікі наведалі Більдзюгскі сад, дзе правялі прафілактычныя гутаркі з выхаванцамі і работнікамі дзіцячага садка.
Паўтарылі правільныя і няправільныя дзеянні пры пажары, засвоілі з якімі цацкамі можна гуляць дзецям, а з якімі няма. Замацоўвалі свае веды з дапамогай гульняў «выклік ратавальнікаў», «Дым-Вуліца», «Пытанне-Адказ».
У гульнявой форме разам з ратавальнікамі вывучылі правілы бяспечных паводзін. На праведзеным мерапрыемстве дзеці вывучылі, як дзейнічаць, калі ў доме здарыўся пажар, Як правільна выклікаць службу выратавання, што трэба казаць дыспетчару пры тэлефанаванні ратавальнікам. Таксама засвоілі, да якіх жудасных наступстваў можа прывесці гульня з запалкамі.
У сваю чаргу інспектар прапаганды Курэц Крысціна давяла працоўнаму калектыву інфармацыю аб становішчы з пажарамі, нагадала асноўныя правілы і патрабаванні пажарнай бяспекі, правілы паводзін у выпадку ўзнікнення розных надзвычайных сітуацый.