- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Сянно. Кірмаш бяспекі
У рамках рэспубліканскай акцыі «З клопатам аб бяспецы малой Радзімы» работнікі Сенненскага раённага аддзела па надзвычайных сітуацыях падрыхтавалі для жыхароў вёскі Папоўка карыснае і цікавае мерапрыемства «Кірмаш бяспекі».
Удзельнікам мерапрыемства работнікі МНС прапанавалі прыняць удзел у розных конкурсах і гульнях. Асаблівую актыўнасць праявілі дзеці. Яны разгадвалі загадкі, расшыфроўвалі словы, збіралі пазлы, знаходзілі небяспечныя і бяспечныя прадметы, адказвалі на пытанні міні-віктарыны, паўтаралі алгарытмы дзеянняў пры надзвычайных сітуацыях, адпрацоўвалі выклік экстранных службаў. Кожны жадаючы змог адчуць сябе ў ролі выратавальніка, прымерыўшы баявую вопратку.
На інтэрактыўнай пляцоўцы «Аўтаномны пажарны апавяшчальнік» мясцовыя жыхары даведаліся, наколькі важны гэты прыбор і як правільна яго ўсталяваць. Што рабіць, калі загарэлася ежа на пліце, разабраліся на аднайменнай пляцоўцы «Ежа на пліце». Ратавальнікі расказалі, чым з падручных рэчаў можна ліквідаваць падобную надзвычайную сітуацыю. Падчас праходжання пляцоўкі «Небяспекі ў доме» удзельнікі павінны былі ўказаць парушэнні, якія дапушчаныя ў доме. На пляцоўцы «Печ» ратавальнікі распавядалі пра бяспеку пры эксплуатацыі пячнога ацяплення.
Святочны настрой на кірмашы падтрымлівалі работнікі культуры, якія падрыхтавалі творчыя нумары з песнямі і танцамі.