- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Лёзна. «Верасок» сустракае гасцей!
Прышкольны лагер «Верасок», які знаходзіцца ў аграгарадку Дабрамыслі Лёзненскага раёна, расчыніў свае дзверы для гасцей з райаддзела па НС, іх памочнікаў- актывістаў грамадскай арганізацыі выратавальнікаў-пажарных і прадстаўнікоў моладзевага руху.
Так, хлапчукам і дзяўчынкам, якія знаходзіліся ў прышкольным лагеры, работнікі МНС распавялі, як паводзіць сябе ў надзвычайнай сітуацыі, як сабрацца ў лес і што варта ведаць, адпраўляючыся на вадаём. Усе гэтыя правілы яны вывучылі, прайшоўшы лакацыі, што прапанавалі арганізатары акцыі «Канікулы без дыму і агню».
Рабяты не толькі адказалі на тэарэтычную частку, але і замацавалі свае веды на практыцы паспрабавалі выклікаць ратавальнікаў, патушыць імправізаванае ўзгаранне, кінуць пацярпеламу выратавальны лінь і г.д.
Ужо традыцыйным для аздараўляемых рабят Лёзненскага раёна стаў прыезд сапраўднай пажарнай машыны. Работнікі пажарнага аварыйна-выратавальнага паста №11 прадэманстравалі ўсю яе моц і падарылі адпачывальнікам водную феерыю.