- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Докшыцы. Квэст па бяспецы ў прышкольным лагеры
У рамках рэспубліканскай акцыі «Канікулы без дыму і агню» у прышкольным лагеры Бягомльскай сярэдняй школы выратавальнікі разам з актывістамі «Беларускай моладзевай грамадскай арганізацыі ратавальнікаў-пажарных» і работнікамі лагера арганізавалі для дзяцей квэст па бяспецы «Шыфр 112».
Квэст складаўся з розных лакацый. Для яго праходжання удзельнікі мерапрыемства падзяліліся на 7 каманд. Маршрут квэста уключаў у сябе блок тэматычных зон: бяспечны дом, бяспека на вадзе, i у лесе, а таксама гістарычную, экіпіровачную, гульнявую і спартыўную зоны. На кожнай з іх камандам трэба было праявіць свае лепшыя якасці, прычым не толькі эрудыцыю, але і веданне асноў бяспекі, а таксама фізічную падрыхтоўку. А каб навучанне было максімальна эфектыўным, да хлопцаў далучыліся іх выхавальнікі.
Камандам раздалі навігацыйныя лісты, у якіх удзельнікі расшыфравалі назвы лакацый і прыступілі да іх праходжання. На лакацыях хлопцы адказвалі на розныя пытанні па бяспецы жыццядзейнасці, а таксама выконвалі конкурсы. Падчас праходжання квэста ўдзельнікі каманд тушылі ўмоўны пажар, збіралі мазаіку, апраналі баявое адзенне выратавальнікаў, праходзілі спартыўныя выпрабаванні. Каманды паказалі высокія як спартыўныя, так і тэарэтычныя вынікі.
Па завяршэнні выпрабаванняў былі падведзены вынікі і ўзнагароджаны лепшыя каманды квэста. Пераможцам уручылі медалі, наглядна-выяўленчую прадукцыю, а таксама салодкія прызы.