- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Сянно. У аснове вугла - пытанні бяспекі
Работнікі Сенненскага раённага аддзела па надзвычайных сітуацыях штодня праводзяць тлумачальную работу сярод насельніцтва, каб мінімізаваць колькасць пажараў у раёне і гібель людзей ад іх. Так, начальнік аддзела Валжанкоў Віталь Анатольевіч сустрэўся з работнікамі раённага цэнтра па забеспячэнні дзейнасці бюджэтных арганізацый.
Віталь Анатольевіч азнаёміў усіх прысутных са становішчам па пажарах і гібеллю на іх людзей, прывёў выпадкі гібелі людзей, якія адбыліся на тэрыторыі раёна і вобласці. Асаблівую ўвагу прадстаўнік МНС надаў тэме забароны выпальвання сухой расліннасці і распальвання вогнішча ў забароненых месцах, прывёў факты пажараў з-за выпальвання сухой расліннасці, распавёў пра адказнасць за такія парушэнні заканадаўства.
Таксама ў сваім выступе Віталь Анатольевіч закрануў тэму захавання патрабаванняў правілаў пажарнай бяспекі на працоўных месцах, парадак прымянення першасных сродкаў пажаратушэння і неабходнасць устаноўкі ў сваіх домаўладаннях аўтаномнага пажарнага апавяшчальніка.
На заканчэнні сустрэчы Віталь Анатольевіч расказаў пра карысць мабільнага дадатку «МНС Беларусі: Дапамога побач», з якіх раздзелаў складаецца дадзены дадатак і як знайсці ў ім адказы пры ўзнікненні надзвычайнай сітуацыі.