- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Талачын. Незвычайны сельскі сход
У рамках другога этапу рэспубліканская акцыі “Дзень бяспекі. Увага ўсім!” талачынскія ратавальнікі наладзілі ў сельскім доме культуры вёскі Серкавіцы мерапрыемства “Скарбонка бяспекі”.
У пачатку сустрэчы ратавальнікі азнаёмілі прысутных з аператыўнай абстаноўкай у вобласці і раёне, распавялі алгарытм дзеянняў па сігнале “Увага ўсім!”. Затым прапанавалі вяскоўцам не проста выслухаць лекцыю па бяспецы, а самім у нейкай ступені пабываць пажарнымі экспертамі і самастойна вызначыць прычыны пажараў. Людзі, якія сабраліся, без цяжкасцяў паказалі на макеце печы ўсе парушэнні, якія могуць прывесці да трагедыі. Удзельнікам акцыі прадставілася магчымасць таксама пабываць у ролі “бяспечнага электрыка” і расказаць правілы бяспекі пры эксплуатацыі такіх электрапрыбораў, як электрычны чайнік, фен, мабільны тэлефон; не засталіся без увагі і прас, тэлевізар, камп’ютар. У пацвярджэнне сказанага ратавальнікі прадэманстравалі фатаграфіі пажараў, прычынамі якіх з'яўляліся вышэйпералічаныя электрапрыборы. Калі ж работнікі РАНС прапанавалі патушыць алей на патэльні, меркаванні прысутных падзяліліся. Усе адзначылі, што мокры ручнік і крышка – прадметы, якія адназначна дапамогуць патушыць узгаранне, а вось наконт соды і парашку - былі крыху здзіўленыя. Вялікая дыскусія ўзнікла наконт аўтаномнага пажарнага апавяшчальніка. Некаторыя з абурэннем сталі расказваць пра выпадкі з жыцця, калі прыбор спрацоўваў не па прызначэнні. Аднак пасля таго як работнікі МНС патлумачылі прынцып яго працы і догляду за ім, а таксама прывялі прыклады выратаваных не толькі дарослых, але і дзяцей дзякуючы спрацоўцы апавяшчальніка, усё аднагалосна заключылі, што гэты прыбор - адно з найбольш эфектыўных сродкаў па папярэджанні гібелі людзей ад пажараў.
Як дзейнічаць, калі здарыўся пажар у кватэры, як правільна пакінуць задымленае памяшканне, удзельнікі мерапрыемства даведаліся з прагляду відэафільма “Энцыклапедыя бяспекі. Пажар у кватэры”. Пасля чаго ратавальнікі раздалі ўдзельнікам акцыі наглядна-выяўленчую прадукцыю, а музычны сюрпрыз ад работнікаў Серкавіцкага сельскага дома культуры стаў фіналам мерапрыемства.