- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Докшыцы. Дні бяспекі ў інтэрнатах
У рамках першага этапу рэспубліканскай акцыі «Дзень бяспекі. Увага ўсім!», работнікі Докшыцкага раённага аддзела па надзвычайных сітуацыях правялі прафілактычныя мерапрыемствы ў інтэрнатах па вуліцы Чарняхоўскага і вуліцы Даватара ў горадзе Докшыцы.
У ходзе сустрэч прадстаўнікі МНС давялі удзельнікам акцыі інфармацыю аб сітуацыі з пажарамі і гібеллю на іх, распавялі аб асноўных прычынах ўзнікнення пажараў, а таксама прывялі канкрэтныя прыклады па кожнай з іх. З дапамогай гульні «Формула бяспекі» выратавальнікі нагадалі ўдзельнікам акцыі аб асноўных прычынах узнікнення пажараў. Таксама падчас гульні «Сакрэт бяспекі» асаблівую ўвагу надалі праблеме пячнога ацяплення, дзе жыхары інтэрнатаў даведаліся і наглядна ўбачылі асноўныя парушэнні правілаў бяспекі пры эксплуатацыі пячнога ацяплення. Таксама грамадзяне даведаліся асноўныя правілы карыстання электрапрыборамі і газавым абсталяваннем, якія дапамогуць пазбегнуць небяспечных сітуацый.
Падчас мерапрыемстваў прадстаўнікі МНС распавялі аб аўтаномным пажарным апавяшчальніку. Растлумачылі правілы ўстаноўкі і іх тэхнічнае абслугоўванне. Прадэманстравалі прысутным правілы карыстання вогнетушыцелем, а таксама якія віды пажараў можна патушыць з яго дапамогай. Прысутным быў прадэманстраваны прафілактычны фільм «Пажар у кватэры. Энцыклапедыя бяспекі».
У завяршэнні сустрэч прадстаўнікі МНС распавялі пра карысць мабільнага дадатку «МНС Беларусі: Дапамога побач», а таксама адказалі на ўсе пытанні ўдзельнікаў мерапрыемстваў.