- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Расоны. Пажарны нумар-101!
Ратавальнікі Расонскага раённага аддзела па надзвычайных сітуацыях адправіліся ў госці да малых дзіцячага садка №1 гарпаселка Расоны.
Урок бяспекі прайшоў у гульнявой форме, каб правілы бяспекі добра засвоіліся і лёгка запомніліся. Работнікі МНС загадвалі малышам загадкі пра экстранныя нумары службаў выратавання, а старэйшыя рабяты дапамагалі наглядна іх запомніць. Калі адгадалі ўсе нумары, рабяты з цікавасцю прасіліся паўдзельнічаць у гульні "Званок дыспетчару". Падышоўшы да тэлефона, малыя паўтаралі, што пажарны нумар-101! Нават самыя маленькія прысутныя выдатна спраўляліся з пастаўленай задачай, і распавядалі па тэлефоне, што адбылося, дзе і хто тэлефануе.
Разам з ратавальнікамі дзецi не проста пагулялі ў "небяспечныя і бяспечныя гульні", але і распавялі, што нават у бяспечных цацках ёсць небяспека. Так, напрыклад, за сабой заўсёды трэба прыбіраць канструктар, бо хтосьці можа наступіць на дэталь і параніцца. А таксама, не варта песціцца з алоўкамі, імі можна толькі маляваць.
А як жа сустрэча без мультфільма? Сёння дзецям была паказана серыя «Чароўнай кнігі» пра небяспекі на зімовым вадаёме.
У завяршэнні сустрэчы, работнікі МНС падарылі дзецям размалёўкі, а яны ў сваю чаргу паабяцалі, што ўвечары з бацькамі паўтораць правілы бяспекі.