- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Мiёры. Рэйдавыя мерапрыемствы дзеля бяспекі
У мінулыя выхадныя дні супрацоўнікі МНС у Міёрах працягнулі прафілактычныя рэйды па жыллі, а таксама па аб’ектах сельскай гаспадаркі. Мэта рэйдавых мерапрыемстваў – сустрэцца з насельніцтвам, данесці да людзей правілы бяспечных паводзін, нагадаць, як не апынуцца ў небяспечнай сітуацыі.
Па статыстыцы, якая, як вядома, рэч упартая, большасць пажараў адбываецца ў сельскай мясцовасці. Фактараў, якія спрыяюць гэтаму, некалькі: пераважная колькасць насельніцтва, якое тут пражывае – пажылыя жыхары, не здольныя прывесці свае домауладанне у пажарабеспасны стан; значная зношаннасць жыллевага фонду; пячное ацяпленне і гэтак далей. Але, калі ведаць, як прывесці хату ў бяспечнае становішча, пажары мінуць стараной.
Супрацоўнікі МНС нагадалі жыхарам, як зрабіць печ беспечнай, каб яна не стала прычынай пажару; як бяспечна карыстацца электрычнай праводкай і прыладамі, каб яны раптам не прывялі да агню. Нагадалі таксама, што пры пажары вельмі эфектыўным сродкам апавяшчэння служыць аўтаномны пажарны апавяшчальнік, які павінен быць у жылых пакоях кожнай хаты.
Падчас рэйдаў былі таксама правераны на спраўнасць першыя сродкі барацьбы з вогнішчам – вогнетушыцелі. Там, дзе іх не хапала або яны былі няспраўныя, адказным службовым асобам былі дадзены срокі на замену ці даўкамплектаванне сродкі тушэння.
Дзеля таго, каб сустрэча засталася ў памяці жыхароў, ратавальнікі пакінулі насельніцтву свае супрацьпажарныя памяткі.