- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Талочын. Сакрэты бяспекі раскрытыя жыхарамі аг.Слаўнае!
Рэспубліканская акцыя "Бяспека ў кожны дом!"набірае абароты. Так, у рамках другога этапу акцыі работнікі Талачынскага РАНС разам з прадстаўнікамі дзяржэнерганагляду, энергазбыту, гаргазу, тэрытарыяльнага цэнтра сацыяльнага абслугоўвання насельніцтва і белдзяржстраху сустрэліся з грамадзянамі сталага ўзросту аг. Слаўнае.
Падчас візіту з жыхарамі вёскі было праведзена прафілактычнае мерапрыемства "Сакрэт бяспекі". Прысутным па прадстаўленым сілуэце трэба было вызнычыць загаданы прадмет, які так ці інакш звязаны з прычынамі пажараў або бяспекай у цэлым.
Інспектар дзяржэнерганагляду расказаў аб асноўных правілах бяспечнага прымянення электраэнергіі ў быце, прыкметах няспраўнасці электраабсталявання.
Аб тэхнічным абслугоўванні электралічыльнікаў, своечасовай замене электракабеля ад уводу да электралічыльніка ўдзельнікі мерапрыемства даведаліся ад работніка энергазбыту.
Ратавальнікі асаблівую ўвагу надалі пытанням недапушчальнасці пакідання малалетніх дзяцей без нагляду, акцэнтаваўшы ўвагу на тым, што дарослыя павінны быць самым годным прыкладам у выкананні мер бяспекі. Прэзентавалі мультфільм "Чароўная кніга МНС", абмеркавалі з прысутнымі правілы выкарыстання печы.
Вядучы спецыяліст прадстаўніцтва "Белдзяржстраху" па Талачынскім раёне інфармаваў людзей аб парадку страхавання домаўладанняў і дваровых пабудоў.
Удзельнікі мерапрыемства з дапамогай віктарыны замацавалі атрыманыя веды па бяспецы.
У канцы сустрэчы прысутным быў прадэманстраваны відэафільм "Энцыклапедыя бяспекі. Пажар у кватэры", ім таксама была ўручана наглядна-выяўленчая прадукцыя МНС.