- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Міёры. Дыскатэка з супрацьпажарным ухілам
Супрацоўнікі Міёрскага адзела па надзвычайных сітуацыях разам з актывістамі раённай моладзевай арганізацыі правялі асенні бал для школьнікаў Міёрскай сярэдняй школы №2. Дыскатэка з элементамі супрацьпажарнай бяспекі так спадабалася школьнікам, што дзеці з мерапрыемства не спяшаліся дадому.
“Чалавек-магніт”, “Самы запальны танец”, “Знайдзі пару” і мноства іншых конкурсаў не давалі школьнікам засумаваць, а ў перапынках між конкурсаў – танцы дзеля душы.
Па ходзе мерапрыемства дзеці даведаліся пра дзейнасць беларускай моладзевай арганізацыі ратавальнікаў-пажарных, некаторыя з удзельнікаў заахвоціліся стаць яе ўдзельнікамі. Праглядзелі фільм аб дзейнасці арганізацыі, даведаліся пра мерапрыемствы, якія праводзяцца пад эгідай БМААВП.
Асабліва спадабаўся ўдзельнікам конкурс на самы запалены танец. Сярод хлопчыкаў і дзяўчынак завязалася сапраўдная барацьба. Кожны з ўдзельнікаў хацеў спадабацца і атрымаць прыз, таму і танцы былі вельмі актыўнымі. Нарэшце пасля некалькіх выпрабаванняў перамогу з невялікай перавагай атрымала каманда хлопцаў, яны і атрымалі каштоўныя прызы.