- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Наваполацк. Маленькай дапамогі не бывае
У рамках рэспубліканскай акцыі «Моладзь за бяспеку» юныя выратавальнікі сумесна з работнікамі МНС і актывістамі БРСМ дапамаглі пажылым навапалачанам, якія найбольш маюць патрэбу ў гэтым.
Наведваючы хаты адзінокіх пенсіянераў і інвалідаў, хлопцы дапамаглі з уборкай прыдамавой тэрыторыі, ускапалі агарод, насеклі дроў і, нават, сабралі ўраджай!
Не забывалі госці нагадваць і пра бяспеку ва ўласным жыллі: правілы эксплуатацыі электрапрыбораў, газавага абсталявання, пячнога ацяплення і агульнае захаванне правіл бяспекі ў побыце.
Вялікую ўвагу надалі аўтаномнаму пажарнаму апавяшчальніку, распавёўшы аб яго эфектыўнасці і неабходнасці, прывёўшы шмат станоўчых выпадкаў спрацоўкі. А пасля ўручылі памяткі, каб старэйшае пакаленне сумленна памятала пра ўсе расказанае.
Выратавальнікам і прадстаўнікам моладзевых арганізацый было вельмі прыемна чуць словы падзякі ад усіх, да каго яны прыйшлі гэты дзень, бо ўвага і клопат неабходныя кожнаму чалавеку.