- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Вiцебскi раён. Прафілактыка ў працоўных калектывах
Работнікі Віцебскага раённага аддзела па надзвычайных сітуацыях працягваюць наведваць працоўныя калектывы. Праца з людзьмі і іх навучанне з'яўляюцца прыярытэтнымі напрамкамі для забеспячэння бяспекі жыццядзейнасці ў раёне. Растлумачыць насельніцтву элементарныя правілы, даць ім патрэбны савет, аказаць дапамогу і, такім чынам, прадухіліць бяду – галоўная задача работнікаў МНС.
Так, намеснік начальніка Віцебскага раённага аддзела па надзвычайных сітуацыях Дзмітрый Казырэўскі выступіў перад працоўным калектывам прадпрыемства «Адраджэнне» аграгарадка Кіраўская.
Падчас свайго выступу Дзмітрый Мікалаевіч давёў інфармацыю аб сітуацыі, якая склалася з пажарамі і гібеллю людзей на іх, прывёў канкрэтныя прыклады і асноўныя прычыны ўзнікнення пажараў. Выратавальнік асаблівую ўвагу акцэнтаваў на праблематыку дзіцячай гібелі ад пажараў і іншых здарэнняў, падкрэсліваючы на недапушчальнасць пакідання дзяцей без нагляду. Не абышлося без рэкамендацыі абсталяваць жылыя памяшканні аўтаномнымі пажарнымі апавяшчальнікамі.
Асобна Дзмітрый Мікалаевіч спыніўся на дзеяннях у выпадку ўзнікнення надзвычайнай сітуацыі на прадпрыемстве. Распавёў як правільна і эфектыўна карыстацца наяўнымі на аб'екце сродкамі пажаратушэння, а таксама праводзіць эвакуацыйныя мерапрыемствы ў выпадку пажару.
На заканчэнне гутаркі сярод прысутных была распаўсюджаная наглядна-выяўленчая прадукцыя МНС.