- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Расоны. Бяспечнае лета
У рамках акцыі «Канікулы без дыму і агню» расонскія ратавальнікі працягваюць наведваць прышкольныя аздараўленчыя лагеры.
На гэты раз ратавальнікі наведалі прышкольны лагер дзяржаўнай установы адукацыі «Расонская сярэдняя школа ім. П. М. Машэрава». Тут работнікі МНС правялі з хлопцамі гутарку аб захаванні правіл бяспекі ў канікулярны перыяд, пагаварылі аб правілах бяспечных паводзін на вадаёмах, на прыродзе, распавялі пра небяспекі гульняў з агнём. Абмеркавалі таксама месца, дзе дзецям ні ў якім выпадку нельга гуляць: будаўнічыя пляцоўкі, закінутыя дамы, гарышчы, кар'еры.
Пасля прафілактычнай гутаркі ратавальнікі запрасілі рабят прайсці загадзя падрыхтаваную квэст-гульню. Пры праходжанні кожнай лакацыі квэста хлопцам неабходна было праявіць спрыт, кемлівасць і знаходлівасць. Для таго, каб правільна пераадолець усе выпрабаванні, удзельнікі мерапрыемства паказвалі свае веды ў розных сітуацыях. Хлопцы распавядалі, як збірацца ў лес і сабраць толькі ядомыя грыбы, як выклікаць ратавальнікаў і што рабіць да іх прыезду. Таксама ім трэба было прадэманстраваць спрыт, каб пераадолець паласу перашкод, скласці пазл і іншае.
Усе хлопцы атрымалі масу станоўчых эмоцый, добры настрой і самае галоўнае – успомнілі асноўныя правілы бяспечных паводзін у перыяд летніх канікул.