- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Витебский район. Сельскі сход ў Суражы
Начальнік Віцебскага раеннага адзела па надзвычайных сiтуацыях Вiталiй Барысавiч Чайкiн сустрэўся з жыхарамі Суражскага сельсавета Віцебскага раёна.
У перадсвяточны снежны дзень жыхары пасёлка Сураж, а таксама бліжэйшых насяленых пунктаў спяшаліся ў Суражскi сельсавет на сельскіх сход па пытаннях бяспекі жыццядзейнасці.
Начальнік адзела пачаў свой выступ з сумнай статыстыкі гібелі людзей на пажарах у бягучым годзе. Бо на сённяшні дзень ахвярамі вогненнай стыхіі сталі 15 жыхароў краіны. Ён заклікаў усіх прысутных быць неабыякавымі да сваёй бяспекі, а таксама да бяспекі блізкіх. Бо часам менавіта адзін момант вырашае многае: выпаўшы з печы вугольчык, нявыключанае з сеткі зарадная прылада, пакінутае на хвіліну дзіця…
І для таго, каб жыццё кожнага было без надзвычайных сітуацый, Вiталiй Барысавiч нагадаў аб неабходнасці захавання патрабаванняў пажарнай бяспекі пры выкарыстанні электрапрыбораў і прыбораў ацяплення. Усе свае словы агняборац падмацоўваў прыкладамі з жыцця.
Вяскоўцы ўважліва слухалі выратавальніка, падтрымлівалі з ім гутарку, а нехта ў яго прыкладах халатнасці бачыў і сябе…
Распавёў работнік МНС і аб эфектыўным прыборы выяўлення пажару – аўтаномным пажарным апавяшчальніке, і аб першасных сродках пажаратушэння – вогнетушыцелях, якімі, дарэчы, парэкамендаваў абсталяваць свае домаўладання.
Прысутным таксама быў прадэманстраваны мабільны дадатак «МНС Беларусі: дапамога побач» і яго магчымасці як «кішэннага» даведніка па бяспецы.
Падводзячы вынікі выступлення Вiталiй Чайкiн павіншаваў усіх з надыходзячымі Калядамі яшчэ раз нагадаў, што бяспека кожнага, у першую чаргу, залежыць ад яго самога!