- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Вiцебскi раён. Напомнiлi пра небяспеку
На тэрыторыі Віцебскага раёна праводзіцца мэтанакіраваная работа па рэалізацыі Дэкрэта Прэзідэнта Рэспублікі Беларусь №18, у якой прымаюць удзел усе суб'екты прафілактыкі.
На чарговым пасяджэнні Віцебскага раённага Савета каардынацыі дзейнасці дзяржаўных органаў па рэалізацыі Дэкрэта Прэзідэнта Рэспублікі Беларусь №18, у якім прыняў удзел намеснік старшыні камісіі па справах непаўналетніх Віцебскага абласнога выканаўчага камітэта Тамара Аляхновіч, было разгледжана 5 сем'яў, дзе бацькі не выконваюць належным чынам абавязкі па выхаванні сваіх дзяцей, у іх ліку – 2, якія дапускаюць пражыванне сваіх дзяцей у небяспечных умовах па інфармацыі Віцебскага раённага аддзела па надзвычайных сітуацыях.
У ходзе пасяджэння першы намеснік начальніка Віцебскага раённага аддзела па надзвычайных сітуацыях Сяргей Лавейкін пералічыў крытэрыі і паказчыкі сацыяльна небяспечнага становішча, выяўленыя ў домаўладаннях разгляданых грамадзян, нагадаў прысутным асноўныя меры пажарнай бяспекі ў побыце, заклікаў усіх да ўзаемадзеяння па рашэнні існуючай сацыяльнай праблемы.
Па выніках пасяджэння дзеці з 2-х сем'яў, дзе не выконваліся супрацьпажарныя патрабаванні, былі прызнаны знаходзячыміся ў сацыяльна небяспечным становішчы.
Дадаткова было прынята рашэнне далейшага міжведамаснага ўзаемадзеяння па пытаннях ранняга выяўлення, прафілактыкі сямейнага недабрабыту, недапушчэння гібелі і траўматызму дзяцей ад знешніх фактараў, у тым ліку і ў выніку пажараў.
Пасля пасяджэння праца працягнулася на тэрыторыі Заронаўскага сельсавета ў домаўладаннях шматдзетных сем'яў, куды выехала мабільная група райвыканкама.