image description
 

Учреждение Витебское областное управление МЧС Республики Беларусь

 

Ушачы. Самы бяспечны прыпынак

135

Жыхары Кубліч цяпер выдатна будуць ведаць, што пры пажары трэба набіраць 101 ці 112, кідаць у лесе запалкі нельга, курыць і разводзіць вогнішчы небяспечна. Аб гэтым кублічанам нагадвае... аўтобусны прыпынак у цэнтры аграгарадка, які нядаўна прыкметна абнавіўся і прыцягвае ўвагу ўсіх, хто праходзіць, праязджае міма ці чакае грамадскі транспарт.

Выратавальнікі пастаянна шукаюць новыя рашэнні і спосабы данесці да грамадзян важнасць выканання правіл бяспекі, прычым, імкнуцца зрабіць гэта ў даступнай форме. У многіх раёнах краіны ўжо з’явіліся тэматычныя прыпынкі бяспекі, а ў рамках адзінага дня бяспекі “абзавяліся” такімі і на Ушаччыне. Сумесны прафілактычны праект рэалізавалі раённы аддзел па надзвычайных сітуацыях і Кубліцкі сельсавет, які пытанні бяспекі не адкладае на другі план. “Вырашылі зрабіць гэтае грамадскае месца інфарматыўным, засяродзіць увагу вяскоўцаў на важным, – зазначае старшыня Кубліцкага сельвыканкама Марыя Васільеўна Ярмош. – Малюнак падбіралі яркі і запамінальны!”

Над яго афармленнем больш тыдня працаваў ураджэнец Слабодкі, малады мастак Іван Вацьковіч. Сваю лепту ў падрыхтоўку да справы прыпынка ўнесла і дарожная служба, якая таксама выдзеліла і фарбы. Таму яркі малюнак нагадвае не толькі аб пажарнай, а і дарожнай бяспецы.

Гэта будзе не адзіны “бяспечны прыпынак” на тэрыторыі сельсавета, хутка такія ж з’явяцца яшчэ ў некалькiх вёсках района, якія нагадаюць аб правілах пажарнай і электрабяспекі.

Зрэшты, прыкметна пераўвасобіўся нядаўна і аўтобусны прыпынак у Двор Пліна. Для яго быў абраны даволі распаўсюджаны малюнак з лозунгамі “Не курыце ў ложку!”, “Не выпрабоўвайце лёс!” і недарэмна, бо каля 90 працэнтаў загінуўшых на пажарах людзей дазволілі сабе курыць у ложку. Над гэтым аб’ектам “чараваў” дырэктар Дома рамёстваў Міхаіл Аляксандравіч Багдановіч.

“Дарога ў напрамку мемарыяльнага комплексу “Прарыў” з’яўляецца дастаткова ажыўленай – штодня па ёй перамяшчаецца мноства людзей і машын, а таму мяркуем зрабіць яе “бяспечнай”, тэматычна аформіўшы яшчэ некалькі аўтобусных прыпынкаў”, – адзначае начальнік райаддзела па надзвычайных сітуацыях Сяргей Яўгенавіч Аваднёў.

“Эфектна і запамінальна!” – такі і падобныя водгукі ўжо давялося пачуць ад тых, хто пабачыў размалёваныя прыпынкі на свае вочы. Будзем спадзявацца, што гэты спосаб прафілактыкі будзе не толькі эфектным, але і эфектыўным!

Искать похожие новости:

Будь готов

Другие новости

 

Волшебная книга
Волшебная книга
Моб. приложение
Моб. приложение
Министерство
Закрыть
Закрыть Закрыть Закрыть
Закрыть

Центральный аппарат МЧС

Территориальные управления

Департаменты

Закрыть