- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
«Пост бяспекі» для жыхароў Гаршчэўшчына
У рамках правядзення другога этапа рэспубліканскай акцыі «Дзень бяспекі. Увага ўсім!" талачынскія ратавальнікі для жыхароў аграгарадка Гаршчэўшчына арганізавалі інфармацыйна-пазнавальную пляцоўку пад назвай «Пост бяспекі».
Яркі плакат, наглядна-выяўленчая прадукцыя, «пажарныя» атрыбуты - апавяшчальнік і вогнетушыцель і, вядома, пажарны аўтамабіль - прыцягвалі ўвагу ўсіх жыхароў аграгарадку. Многія з задавальненнем адгукаліся на заклік ратавальнікаў праверыць свае веды па бяспецы, але былі і тыя, хто насцярожыўся пры відзе супрацоўнікаў у форме. Аднак абыякавым не застаўся ніхто. Жыхары упэўнена адказвалі на пытанні віктарыны, разам з ратавальнікамі ўспаміналі правілы карыстання вогнетушыцелем, тэлефоны экстраных службаў, паказвалі сваю спрыт ва ўсталёўцы аўтаномнага пажарнага апавяшчальніка і вучыліся «бяспечна» правяраць яго працаздольнасць. А падрыхтаваны ратавальнікамі макет печы, нагадаў жыхарам асноўныя правілы па бяспечнай эксплуатацыі свайго «хатняга ачага», тым больш, што ацяпляльны сезон падыходзіць да канца, а, значыць, самы час прывесці печ у парадак. Таксама ратавальнікі нагадвалі жыхарам дзеянні па сігнале «Увага ўсім!» і правілы бяспекі пры выпальванні смецця.
Таксама жыхары аграгарадка даведаліся аб асноўных прычынах пажараў, ратавальнікі прыводзілі прыклады пажараў з гібеллю людзей, у тым ліку і якія адбыліся на тэрыторыі іх сельскага Савета. А некаторыя жыхары так пранікліся атмасферай бяспекі, што з задавальненнем дзяліліся з ратавальнікамі сваім вопытам бяспечнай жыццядзейнасці, прыводзілі прыклады надзвычайных сітуацый, з якімі ім давялося сутыкнуцца.
Не пакінулі без увагі ратавальнікі і падрастаючае пакаленне. Разам з ратавальнікамі дзеці знаходзілі небяспечныя сітуацыі ў доме, ўспаміналі тэлефоны экстраных службаў і правілы выкліку выратавальнікаў. Таксама дзеці змаглі адчуць сябе сапраўднымі ратавальнікамі - прымерылі баявую вопратку і пасядзелі за рулём пажарнага аўтамабілю.
За актыўны ўдзел і правільныя адказы жыхарам аграгарадка ўручаліся карысныя памяткі і брашуры, якія яшчэ раз нагадаюць ім аб правілах бяспекі.