- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Шуміліна. Дні работы з насельніцтвам
У сераду і чацвер, 13 і 14 сакавіка, прайшлі дні работы з насельніцтвам на тэрыторыі Мішневіцкага сельскага Савета.
Дзейнасць у гэты дзень узначаліла старшыня раённага Савета дэпутатаў Ірына Новікава, з якой працавалі прадстаўнікі розных службаў і ведамстваў, што маюць дачыненне да забеспячэння жыццядзейнасці вяскоўцаў. Спачатку групамі райвыканкама былі праведены сельскія сходы грамадзян у буйных населеных пунктах, на якіх конжны член групы выступіў з інфармацыяй па сваім накірунку, пасля чаго арганізавана наведванне літаральна кожнага двара ў маланаселенных пунктах.
Так работа была праведена у дванадцаці весак Мішневіцкага сельсавета.Вяскоўцы сустрэлі нас веснавым настроем: некаторыя гаспадары ўжо навялі парадак на сваіх падворках, нават адрамантавалі пасля зімы пахіленую агароджу. Іншыя толькі збіраліся гэта зрабіць, бо на большасці агародаў яшчэ гразка.
Задача не толькі ў тым, каб даведацца пра праблемы вяскоўцаў, але і праверыць стан супрацьпажарнай бяспекі, нагадаць пра неабходнасць навядзення парадку на падворках і каля іх.
Першагы намеснік начальніка раённага аддзела па надзвычайных сітуацыях Павел Чаплінскі пры правядзенні сельскіх сходаў і мерапрыемстваў прафілактычнага характару ў жылым фондзе ў чарговы раз нагадаў грамадзянам пра недапушчальнасць дзеянняў, здольных прывесці да ўзнікнення пажару, парушэнняў правілаў пажарнай бяспекі, выпальвання сухой расліннасці.
Усім домаўладальнікам была ўручана наглядна-выяўленчая прадукцыя прафілактычнай накіраванасці.