- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Штодзённая праца выратавальнікаў па прафілактыцы ў Расонскім раёне
У Расонскім раёне выратавальнікі праводзяць штодзённыя прафілактычныя мерапрыемствы, накіраваныя на стабілізацыю неспрыяльнай аператыўнай абстаноўкі на сяле. Так, для жыхароў в. Бірузова і гарадского пасёлку выратавальнікі арганізавалі працу інфармацыйна-растлумачальнай пляцоўкі пад назвай «Пост бяспекі» у мясцовых харчовых крамах.
Выратавальнікі імкнуліся прыцягнуць увагу наведвальнікаў да праблемаў росту пажараў і гібелі людзей ад іх па прычыне неасцярожнага абыходжання з агнём пры курэнні, няправільнай эксплуатацыі электрапрыбораў і пячнога ацяплення, прыводзілі прыклады няшчасных выпадкаў у раёне. Для нагляднасці выратавальнікі размясцілі карту раёна, на якой кожны мог убачыць, у якіх населеных пунктах адбыліся надзвычайныя сітуацыі ў 2018 годзе, і ацаніць для сябе, ў якім сельскім савеце склалася самая неспрыяльная абстаноўка. Работнікі МНС дэманстравалі, як карыстацца вогнетушыцелем, расказвалі пра карысць аўтаномнага пажарнага апавяшчальніка, яго прызначэнне і прынцып дзеяння.За ўдзел у віктарынах і правільныя адказы сяльчанам уручаліся карысныя памяткі, якія яшчэ раз нагадаюць ім пра правілы бяспекі.