- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Бешанковічы. З клопатам пра бяспеку малой Радзімы
У рамках рэспубліканскай акцыі "З клопатам пра бяспеку малой Радзімы" бешанковіцкія ратавальнікі і актывісты аддзялення дзённага знаходжання інвалідаў ДУ "Тэрытарыяльны цэнтр сацыяльнага абслугоўвання насельніцтва" правялі конкурсную праграму для наведвальнікаў цэнтра.
Удзельнікі мерапрыемства выявілі небяспекі печы, згулялі ў гульню "Дзе логіка?", патрэніраваліся ва ўсталёўцы пажарнага апавяшчальніка, распавялі як дзейнічаць, калі разбіўся ртутны градуснік і многае іншае.
Затым з удзельнікамі мерапрыемства была праведзена прафілактычная гутарка па пытаннях бяспекі жыццядзейнасці: ад бяспечнага прыстасавання і эксплуатацыі пячнога ацяплення і электраправодкі да правіл развядзення вогнішчаў і спальвання смецця на прысядзібных участках. Пры вядзенні дыялогу з прысутнымі ратавальнікі адзначылі, што да пажару прыводзіць бестурботнасць людзей пры абыходжанні з агнём, а таксама грубае парушэнне правілаў пажарнай бяспекі. Таму ратавальнікі нагадалі асноўныя меры бяспечных паводзін пры абыходжанні з агнём, далі рэкамендацыі па выкарыстанні электрычных прыбораў, газавых установак і патлумачылі, як правільна карыстацца вогнетушыцелем у выпадку ўзнікнення пажару. Людзям таксама нагадалі алгарытм дзеянняў падчас НС і правілы экстранага выкліку службы МНС.
Усе ўдзельнікі мерапрыемства атрымалі велізарнае задавальненне ад праведзенага конкурсу, а яшчэ і падарункі ад работнікаў МНС - маляўнічую наглядна-выяўленчую прадукцыю і буклеты з правіламі бяспекі жыццядзейнасці.