- Адреса и телефоны
- 210015, г. Витебск, ул. Жесткова,13
- (+375 212) 37-00-10.
- (+375 212) 37-00-30
- vitebsk@mchs.gov.by
Докшыцы. Навучанне правілам бяспекі
У рамках правядзення пажарна-прафілактычнай работы на тэрыторыі раёна начальнік докшыцкага падраздзялення МНС Баравікоў Валянцін Іванавіч выступіў у працоўным калектыве раённага вытворча-збытавага ўчастка філіяла «Энергазбыт».
Валянцін Іванавіч пазнаёміў работнікаў арганізацыі з аператыўнай абстаноўкай з пажарамі і гібеллю на іх людзей на тэрыторыі вобласці і рэспублікі. Назваў асноўныя прычыны іх узнікнення, закрануў праблемныя пытанні ў забеспячэнні бяспекі жыццядзейнасці насельніцтва.
Актуальнымі тэмамі сустрэчы сталі эксплуатацыя электраабсталявання, забеспячэнне бяспекі дзяцей, паводзіны ў надзвычайных сітуацыях, правілы карыстання першаснымі сродкамі пажаратушэння, а таксама правілы эксплуатацыі пячнога ацяплення. Была акцэнтавана ўвага і на мерах пажарнай бяспекі пры абыходжанні з электрапрыборамі. Прадстаўнік МНС нагадаў аб недапушчальнасці пакідання дзяцей без нагляду, прывёў трагічныя прыклады дзіцячай гібелі і траўматызму.
Падчас свайго выступу Валянцін Іванавіч правёў прэзентацыю мабільнага прыкладання «МНС Беларусі: Дапамога побач», распавёў аб неабходнасці ўстаноўкі iх ў домаўладаннях прывёў прыклады выратавання людзей. Таксама прысутным былі даведзены асноўныя патрабаванні правілаў пажарнай бяспекі на працоўным месцы і дзеянні работнікаў у выпадку ўзнікнення пажару.